मुंबई : तब्बल २४ वर्षांनंतर भारतीय आयुर्विमा महामंडळाने (एलआयसी) मेगा भरती मोहीम जाहीर केली असून, आठ हजारांपेक्षा अधिक जागांसाठी भरती करण्यात येणार आहे. त्यासाठी ऑनलाइन अर्ज मागविण्यात आले आहेत. या संदर्भात अधिसूचना जारी करण्यात आली आहे.
देशभरात ‘एलआयसी’च्या विविध कार्यालयांमध्ये ‘असिस्टंट क्लार्क’ या पदासाठी भरती करण्यात येत आहे. या पदासाठी पूर्व व मुख्य परीक्षा घेतली जाणार आहे. पूर्व परीक्षा ऑनलाइन होणार आहे. या पदासाठी वयोमर्यादा १८ ते ३० वर्षे इतकी असून, मागासवर्गीयांसाठी वयाची सवलत आहे. उमेदवार कोणत्याही विषयातील पदवीधर असणे आवश्यक आहे.
महाराष्ट्रात मुंबई, पुणे, ठाणे, नागपूर, औरंगाबाद, कोल्हापूर, नाशिक, रत्नागिरी, सातारा, सोलापूर, पणजी आदी ठिकाणी परीक्षा होणार आहे. इच्छुकांनी एक ऑक्टोबर २०१९ पर्यंत
www.licindia.in/careers या संकेतस्थळावर ऑनलाइन अर्ज करायचे आहेत.
